Қазақстан (Қазақ елі) тарихы: 4 кітаптан тұратын оқулық. Қазақстан ХІІІ-ХVІІІ ғасырлардың алғашқы ширегінде. 2-кітап

«Қазақстан (Қазақ елі) тарихы» деген атпен жарық көріп отырған 4 кітаптан тұратын университеттердегі тарих мамандығы бойынша маманданатын бакалавр студенттерге арналған оқулықтың екінші кітабы ХІІІ-ХVІІІ ғасырлардың алғашқы ширегінде Қазақстан тарихының мәселелерін оқытуға арналған. Бұл оқулық моңғол шапқыншылығы дәуірінен, Қазақ хандығының мемлекеттік құрылым ретінде қалыптасып және күйреуіне дейінгі тарихи оқиғалар мен күрделі үдерістерді қамтиды. Оқулықта мемлекет құрушы қазақ халқының ұлт ретінде қалыптасу тарихы, оның ата-бабаларының ұлттық мемлекеттер – қағанаттар, ордалар мен хандықтар құру жолындағы күресі, отандық тарих ғылымында тәуелсіздік жылдарында қалыптасқан жаңа тарихи көзқарастар және ғылыми айналымға қосылған тарихи деректер жаңа методологиялық ұстанымдар аясында қарастырылған.